Nursultan Nazarbaev Bes áleýmettik bastamanyń mańyzyn túsindirdi
"Assambleıa tájirıbe júzinde beıbitshilik pen kelisimniń qorǵaýshysyna aınaldy. Sondyqtan árdaıym sessııalarǵa qatysamyn ári Assambleıaǵa basshylyq etip kelemin. Búginde áleýmettik ıntegratsııa faktoryn qosa otyryp, biz ózimizdiń birligimizdi nyǵaıta túsýdemiz. Jahandyq álemde el ishinde birtutas birligin saqtap turǵandar qýatty memleket ekeni jasyryn emes. Olardyń barlyǵy biryńǵaı teńdikke súıene otyryp, jańǵyrýda. Biz de osy jolǵa tústik. "Rýhanı jańǵyrý" baǵdarlamasynyń, sonymen birge "Qazaqstannyń 100 jańa esimi" jobasynyń máni men maǵynasy osynda jatyr. Áleýmettik birlik saıasaty birtutas shoǵyrlandyrylǵan biryńǵaı ulttyń mańyzdy qadamy", - dedi Elbasy.
Memleket basshysy Bes áleýmettik bastamaǵa irgeli sebepter boıynsha bastamashylyq etilgenin atap ótti.
"Birinshiden, jańa ǵasyrdyń ekinshi onjyldyǵynyń alǵashqy segiz jylyna jasalǵan taldaý álemniń túrli óńirlerinde kıkiljińder bolyp jatqanyn kórsetip otyr. Bul jaǵdaı egemen memleketterdiń ishki isterine bólek elderdiń aralasýynan týyndady. Sonymen qatar basqa da sebep bar, ol áleýmettik birilik pen ult ishindegi birliktiń bolmaýynan oryn alýda. Jahandyq ári óńirlik tájirıbe kórsetip otyrǵandaı, qalyptasqan memleket - ol áleýmettik birlik tuǵyrnamasy sanaly túrde nyǵaıtylǵan memleketter. Bizdiń jańa bastamalar bárinen buryn osyǵan baǵyttalǵan", - dedi Memleket basshysy.
N. Nazarbaev bilimniń jańa ekonomıkasy, tsıfrlandyrý jáne óndiristi robottandyrý, tehnologııalyq ınnovatsııalar - áleýmettik ári mádenı kapıtaldyń múldem basqa sapasyn talap etetinin atap ótti. Sondyqtan da elimizdiń jańa áleýmettik bastamalary jańa ekonomıkanyń damýyna tyń serpin beredi.
"Polıetnıkalyq memleket jaǵdaıynda áleýmettik jáne ulttyq saıasattar tyǵyz baılanysta. Bes áleýmettik bastama elimizdiń barlyq azamattaryna qatysty, osy oraıda barsha halqymyzdy damytýǵa yqpal etedi", - dedi Elbasy.
