Nursultan Nazarbaev barlyq qarsylasyn «nokaýtqa jiberdi» - S. Sápıev
ASTANA. QazAqparat - Nursultan Nazarbaev saılaý naýqanynyń rınginde birinshi raýndta barlyq qarsylasyn nokaýtqa jiberdi. Búgin Astanadaǵy «Saryarqa» velotreginde ótken Jeńimpazdar forýmynda London Olımpıadasynyń chempıony, «Astana Arlans» klýbynyń bas dırektory Serik Sápıev osylaı málim etti.
«Búgin - jeńis kúni! Saılaý naýqanynyń rınginde Siz birinshi raýndta barlyq qarsylastaryńyzdy nokaýtqa jiberdińiz. Biz ózimizdiń elimizdi súıemiz, sondyqtan kúshti ári tabysty Qazaqstan úshin, bizdi jańa jeńisterge alyp baratyn Kóshbasshyǵa daýys berdik. Biz Sizge daýys berdik»,- dedi Serik Sápıev forým barysynda Prezıdent Nursultan Nazarbaevqa qaratyp aıtqan sózinde.
Olımpıada chempıony barsha jastar men sportshylar atynan Memleket basshysyna alǵysyn bildirdi.
Aıta keteıik, Jeńimpazdar forýmyna QR Prezıdenti Nursultan Nazarbaev, sonymen qatar belgili qoǵam jáne mádenıet qaıratkerleri, tanymal sportshylar, zııaly qaýym ókilderi qatysty.
