Nursultan Nazarbaev baqyttyń ne ekenin aıtty

ASTANA. QazAqparat - Memleket basshysy Nursultan Nazarbaev óziniń baqyt týraly pikirimen bólisti, dep habarlaıdy «QazAqparat» HAA.

Aqordanyń baspasóz qyzmeti Instagram jelisinde Elbasymen bolǵan shaǵyn beınesuhbatty jarııalady.

«Baqyt basyńda máńgilik tura bermeıdi. Kópshilik adamdar baqytty máńgi baqı ornaıtyn qubylys retinde baǵalaıdy. Al, rasynda baqyt degen ol bir mezet qana. Balalaryń men nemereleriń kelip, jup-jumsaq alaqanymen moınyńa asyla ketken sátti naǵyz baqyt deýge bolady. Men jaqynda ǵana osy týraly oqyǵan edim. Londondaǵy ýnıversıtetterdiń birinde arnaıy zertteý júrgizý úshin 15 myń adamǵa «Baqyt degen ne?» saýal qoıady. Sonda naǵyz baqyttyń birinshi kezekte otbasy men balalar ekeni aıtylǵan».