Nursultan Nazarbaev áýejaıynyń kody aýysady

NUR-SULTAN. QazAqparat – Almatyda Ortalyq Azııa elderi áýe kompanııalary basshylarynyń jıyny ótti. Bul týraly QazAqparat IIDM baspasóz qyzmetine silteme jasap habarlaıdy.

Jıynǵa Ortalyq Azııa (OA) elderiniń áýe kompanııalary basshylarynyń, sonyń ishinde Air Astana, QAZAQ Air jáne SCAT (Qazaqstan), AviaTraffic (Qyrǵyzstan), Somon Air (Tájikstan) jáne AZAL (Ázerbaıjan), sondaı-aq IATA (Halyqaralyq áýe kóligi qaýymdastyǵy) ókilderi qatysty.

Jıynda TMD elderinde alǵash ret engizilgen «Qazaqstannyń avıatsııalyq ákimshiligi» AQ qurý arqyly salany retteýdiń jańa tásilin tanystyrdy, oǵan IATA ókilderi men avıatsııalyq sarapshylar oń baǵa berip, Qazaqstan Orta Azııa elderiniń arasynda birinshi bolyp osyndaı tásildi iske asyratynyn atap ótti.

Dóńgelek ústel aıasynda QR IIDM Azamattyq avıatsııa komıtetiniń tóraǵasynyń IATA aımaqtyq basshysy Raımonds Grýntıspen kezdesýi ótti. Kezdesýde 2020 jyldyń sáýir aıynda Nursultan Nazarbaev áýejaı kodynyń aýysýy rastaldy. Qazirgi ýaqytta tıisti rásimder júrgizilýde.

Otyrys barysynda áýe kompanııalar qaýipsizdik avıatsııalyq qaýymdastyq úshin mańyzdy basymdyq bolyp tabylatynyna jáne qaýipsizdiktiń eń joǵary deńgeıine jetý úshin birlesken kúsh-jiger qajet ekendigine basa nazar aýdaryldy.

Budan basqa, avıatsııalyq qoǵamdastyq pen Eýropalyq Odaqtyń bılikteri arasyndaǵy yntymaqtastyqty nyǵaıtý eń úzdik tájirıbe men bilimdi paıdalana otyryp, kommýnıkatsııany jaqsartýǵa jáne avıatsııada jalpy maqsattarǵa qol jetkizýge múmkindik beredi.