Nursultan Nazarbaev áýejaıy myńǵa jýyq adamdy Ashyq júıesi arqyly teksergen
NUR-SULTAN. QazAqparat – Ashyq qosymshasy iske qosylǵannan beri Nursultan Nazarbaev halyqaralyq áýejaıyna kelgen 10 myń adamnyń mártebesi anyqtalǵan, dep habarlaıdy QazAqparat tilshisi.
Ortalyq kommýnıkatsııalar qyzmetinde ótken brıfıngide áýejaıdyń baspasóz hatshysy Anýar Shalekenov osyndaı málimet berdi.
«Nursultan Nazarbaev halyqaralyq áýejaıynda 10 mamyrdan bastap Ashyq testileý túrinde engizildi. 12 mamyrdan bastap tolyqqandy jumys isteı bastady. Eki kúnniń ishinde 9943 adam tekserildi. 8 jolaýshydan qyzyl tústi, 8 jolaýshydan sary tústi mártebe anyqtaldy. Áýejaıdyń atqarýshy dırektory Dáýlet Hamzın aıtyp ketkendeı, nysannyń tórt shyǵý esiginde de arnaıy jolaqtar belgilengen. ıAǵnı, ekspress shyǵý jolaǵynan jeke sáıkestendirý nómiri (JSN) arqyly ótýge bolady. Nemese aldyn ala mobıldi qosymshany júktep alyp sol arqyly kirip-shyǵýǵa múmkindik berilgen», - dedi áýejaı ókili.
