Nursultan Nazarbaev áýejaıy 4.5 mln jolaýshyǵa qyzmet kórsetti

ASTANA. QazAqparat - Nursultan Nazarbaev halyqaralyq áýejaıy 2018 jyly 4,5 mln jolaýshyǵa qyzmet kórsetti. Bul kórsetkish 2017 jylmen salystyrǵanda 6 paıyzǵa kóp, dep habarlaıdy QazAqparat tilshisi əýejaı baspasóz qyzmetine silteme jasap.

2018 jyly Vılnıýs, Tıýmen Chelıabınsk, Sochı jáne Dýshanbe sekildi jańa halyqaralyq baǵyttardyń ashylýyna baılanysty áýejaı halyqaralyq baǵyt boıynsha 1,8 mln-ǵa jýyq jolaýshyǵa qyzmet kórsetken.

Іshki baǵyttaǵy jolaýshylar kólemi de artyp, osy ýaqyt ishinde 2,7 mln-nan asa jolaýshy áýejaı qyzmetine júgingen.

Іshki baǵyttaǵy tanymal baǵdarlar: Almaty, Shymkent jáne Atyraý qalalary. Sondaı-aq, 2018 jyly Astana áýejaıynan 30 myńnan asa ushaq ushý saparlaryn oryndaǵan.