Nursultan Nazarbaev Astana mańyndaǵy jańa demalys ornyna bardy
«Beıbarys» demalys orny Astanadan 15 shaqyrym jerde Aqmola oblysynyń Arshaly aýdanynda ornalasqan. Nysan 2 mıllıard teńgege eseptelgen jeke ınvestor qarajatyna turǵyzylǵan jáne onyń ashylýy Astananyń 20 jyldyǵyna josparlanǵan.
«Qonaq úı kesheninde 26 nómir bar jáne 70 adamǵa arnalǵan meıramhana, jazǵy terassa, karaoke, májilis zaly, ınteraktıvti tır qarastyrylǵan. Keshen aýmaǵynda qarýdan oq atýdy úıretetin akkredıttelgen ashyq tır ashylady. Erekshe áserdi qalaıtyndar úshin áıgili CounterStrike kompıýterlik oıynynyń kóshirmesi bar. Demalys ornynda 80-ge jýyq jańa jumys orny quryldy. Atap aıtqanda, munda Aqmola oblysynyń jergilikti turǵyndary jumysqa alyndy, olardyń jalaqysy 100-120 myń teńge aralyǵynda», - dedi «Beıbarys» demalys ornynyń dırektory Rýslan Shamkenov jýrnalısterge bergen suhbatynda.
Dırektordyń aıtýynsha, demalys aımaǵy qylqan japyraqty aǵashtar arasynda ornalasqan jáne onyń jalpy kólemi 11 gektarǵa jetedi.
Qonaq úıdegi eki adamdyq nómir quny tańǵy aspen birge táýligine 30-35 myń teńge bolmaq. Sondaı-aq, bul somaǵa órmeleıtin qabyrǵa men arqan parkine (verevochnyı park) kirýge bolady. VIP-úıler táýligine shamamen 60 myń teńgege jalǵa beriledi, oǵan bir mezette 4-12 adam syıady.
«Jasyl beldeýdi damytýdyń túrli josparlaryn kórip, osyndaı keshen turǵyzýdy uıǵardyq. Bir jylda shamamen 2700 aǵash otyrǵyzdyq. Keshende jyl boıy qyzmet kórsetýge ázirmiz. Jazǵy ýaqytta 30-dan astam, qysta - 25-ke jýyq qyzmet kórsete alamyz. Balalar alańqaıy, SPA-ortalyq, hamam, haýyz, meıramhana, karaoke, peıntbol, straıkbol, kvadrotsıklder, barbekıý ornyn usyna alamyz. ıAǵnı, otbasylyq jáne ekstremaldy demalysty bir orynnan taba alasyzdará, - dep óz sózin tolyqtyrdy Rýslan Shamkenov.
Aıta keteıik, Memleket basshysynyń tapsyrmasyna sáıkes, Aqmola oblysynyń ákimi Málik Myrzalın Astana tóńireginde qala turǵyndary men qonaqtary úshin demalý bazasyn qurý jóninde mindet qoıǵan bolatyn.
