Nursultan Nazarbaev: Alǵa jyldam umtylýymyz kerek
Nursultan Nazarbaev memlekettiń strategııalyq baǵdarlamalaryn odan ári tıimdi júzege asyrýdyń mańyzdylyǵyn atap ótip, Qazaqstan Respýblıkasynyń Premer-Mınıstri laýazymyna Asqar Mamınniń kandıdatýrasyn talqylaýǵa usyndy.
«Burynǵy Úkimet otstavkaǵa ketti. Osyǵan baılanysty sizdermen jańa Premer-Mınıstr Asqar Mamınniń kandıdatýrasyn usynyp otyrmyn. Onyń mol tájirıbesi bar. Shırek ǵasyrdan beri birge jumys istep kelemiz. Qala ákimi, kólik mınıstri, Premer-Mınıstrdiń birinshi orynbasary boldy. Onyń jetekshiligimen, ásirese ınfraqurylymdy damytý salasynda, kóp jumys atqaryldy», - dedi Qazaqstan Prezıdenti.
Nursultan Nazarbaev Asqar Mamınniń ıntegratsııalyq birlestikterdiń jumysyna, sondaı-aq birlesken jobalardy iske asyrýǵa belsendi atsalysqanyn aıtty.
«Qazir kúrdeli kezeń. Aldymyzda mańyzdy mindetter tur. Alǵa jyldam umtylýymyz kerek», - dedi Memleket basshysy.
Jıyn barysynda Parlament Májilisindegi saıası partııalar fraktsııalarynyń jetekshileri men komıtetter tóraǵalary Qazaqstan Respýblıkasynyń Premer-Mınıstri laýazymyna usynylǵan Asqar Mamınniń kandıdatýrasyn qoldady.