Nursultan Nazarbaev - álemniń qazirgi tarıhyndaǵy kemeńger tulǵa

ShYMKENT. QazAqparat - Shymkenttik qoǵam qaıratkeri Satybaldy Ibragımov Nursultan Nazarbaevty álemniń qazirgi tarıhyndaǵy kemeńger tulǵa sanaıdy. Onyń pikirinshe, Elbasy zaman tynysyn tap basyp tanıdy, dep habarlaıdy QazAqparat tilshisi.

«Babalar armandaǵan izgi úmitti jalǵap, halyqtyń el bolýdyń aldyndaǵy júz kúdigin seıiltý, Táýelsizdiktiń jarqyn beınesin qalyptastyrýdaǵy Elbasynyń eńbegi ushan teńiz. Ardaqty ulyn ulyqtaǵan ulaǵatty ultymyz da aınymas basshysynyń eńbegin joǵary baǵalaıdy», - deıdi qoǵam qaıratkeri.

Satybaldy Ibragımovtyń aıtýynsha, Qazaqstan halqy úshin Nursultan Ábishuly -Túrikterdiń Atatúrki, Qytaıdyń Mao Tszedýny, orystardyń І Petr, Amerıka jurtshylyǵynyń Rýzvelti, evreı ultynyń Ben Gýrıony, sıngapýr halqynyń Lı kýan ıÝ jáne Túrki áleminiń abyzy ispetti.

«Biz Nazarbaev basqarǵan memlekette ómir súrip, jumys jasaǵanymyzdy árdaıym maqtan tutýymyz kerek. Onyń aıqyn dáleli - Elimizdegi tatýlyq pen yntymaqtyń biregeı úlgisin jahan jurtshylyǵy zerdelep, Nazarbaev modeli dep baǵa berdi. Búginde Qazaqstan hylqynyń aldynda úlken mindetter tur, alaıda kemeńger basshy halqyna qyzmet etýden sharshaǵan emes. Sondyqtan ol eldegi jetekshi «Nur Otan» partııasynyń tóraǵasy, Qaýipsizdik keńesiniń tóraǵasy retinde eline qyzmet ete bermek. Bul Elbasynyń júrek soǵysy halyqynyń tynsynan bólek emestigin kórsetedi»,- deıdi Satybaldy Ibragımov.