Nursultan Nazarbaev: Álemde múlde jańa formatsııa qalyptasyp keledi

ASTANA. QazAqparat - 2007-2008 jyldardan bastalǵan úlken daǵdarysty, basqasy basqa, dál damýdyń daǵdarysy dep aıtýǵa bolady. Bul týraly Qazaqstan Prezıdenti Nursultan Nazarbaev Global Challenges Summit 2018 forýmynda málim etti, dep habarlaıdy QazAqparat tilshisi.

«2007-2008 jyldardan bastalǵan úlken daǵdarysty, basqasy basqa, dál damýdyń daǵdarysy dep aıtýǵa bolady. Osy jerde kórsetilgen fılmde adamzattyń damýynyń 5 formatsııasy (qoǵam damýynyń belgili bir kezeńi - avt.) týraly aıtyldy. Olardyń sońǵylary - kapıtalızm, besinshisi - sotsıalızm. Eger durystap qaraıtyn bolsaq, sarapshylar da aıtyp jatqandaı olardyń bári de sharyqtaý shegine jaqyndap keledi. Biz ony kórip te, tyńdap ta otyrmyz», - dedi Prezıdent.

Nursultan Nazarbaevtyń aıtýynsha, álemde qazir múlde jańa formatsııa qalyptasyp keledi.

«Aldyńǵy formatsııalardyń bári de qantógister men soǵystar arqyly keldi. Al shyntýaıtyna kelgende sol soǵystar búgin de - Taıaý Shyǵysta, ártúrli elderde, Sırııada, Soltústik Afrıkada, Irakta bolyp jatqan joq pa? Demek, Global bazasynda daıyndalyp, búkilálemdik birlestikter talqylaǵannan keıin ortaq sheshim tabýǵa biz kataklızmsiz qol jetkize alamyz», - dedi Prezıdent.

Eske sala ketsek, búgin elordada Qazaqstan Prezıdenti Nursultan Nazarbaevtyń qatysýymen Global Challenges Summit 2018 forýmynyń jalpy otyrysy bastaldy. XI Astana ekonomıkalyq forýmy elordada 17-19 mamyr kúnderi ótedi