Nursultan Nazarbaev Aqtóbedegi Óner ortalyǵyna bardy

ASTANA. QazAqparat - QR Prezıdenti Nursultan Nazarbaev Aqtóbe qalasyndaǵy Óner ortalyǵyna bardy, dep habarlaıdy QazAqparat Aqordanyń baspasóz qyzmetine silteme jasaı otyryp.

Memleket basshysy «CNPC-Aqtóbemunaıgaz» aktsıonerlik qoǵamynyń qarjysyna salynǵan jańa Óner ortalyǵyn aralap kórdi.

Qazaqstan Prezıdentine oblystyq fılarmonııanyń shyǵarmashylyq ujymdary óz ónerin kórsetti.

Sońynda Nursultan Nazarbaev Óner ortalyǵynyń qyzmetkerlerimen kezdesip, olarǵa shyǵarmashylyq tabys tiledi.

Aıta keterligi, Óner ortalyǵynda 1 200 orynǵa arnalǵan óńirdegi biregeı kontserttik zal bar. Ortalyqta kópshilik qatysatyn is-sharalar men shyǵarmashylyq kontsertter ótkiziledi.