Nursultan Nazarbaev 10-20 jyl otyrǵan rektorlardy aýystyrý qajettigin aıtty

NUR-SULTAN. QazAqparat – «Nur Otan» partııasy Saıası keńesiniń keńeıtilgen otyrysynda QR Tuńǵysh Prezıdenti – Elbasy Nursultan Nazarbaev ýnıversıtetterde 10-20 jyl otyrǵan rektorlardy aýystyrý qajettigin aıtty, dep habarlaıdy QazAqparat tilshisi.

«Rektorlarmen jumys isteý kerek. Birneshe jyl, 10-20 jyldan otyrǵan rektorlar bar. Bilim jáne ǵylym mınıstri, sonyń bárin qara. Qazir biz Qasym-Jomart Kemelulymen kelistik. Prezıdent (rektorlardy – avt) taǵaıyndamaıdy. Úkimet bólip.... jasaıdy. Jumys isteıtin, balalarǵa jany ashıtyn, bilim beretin adamdardy qaldyrý kerek. Ol kezde barlyǵy saǵan shyǵady. »Oıbaı anany sóıt, mynany búıt« deıtinder shyǵady», - dedi Elbasy Bilim mınıstri Ashat Aımaǵambetovke qarata aıtqan sózinde.