Nursultan Qurman Qazaqstan fýtzal qaýymdastyǵynyń prezıdenti boldy

ASTANA. KAZINFORM – Qazaqstan fýtzal qaýymdastyǵynyń prezıdenti qyzmetine sport menedjeri Nursultan Qurman taǵaıyndaldy.

Qazaqstan fýtbol federatsııasynyń baspasóz qyzmetinen málim etkenindeı, Nursultan Qurman 2023-2024 jyldary Qazaqstan fýtzal qaýymdastyǵy prezıdentiniń orynbasary qyzmetin atqardy.

Bul kezeńde ol medıa strategııa men kommýnıkatsııa baǵyttaryna jetekshilik etti. 2025 jyldyń qańtarynan bastap Qazaqstan fýtbol federatsııasy prezıdentiniń keńesshisi boldy. Sonymen qatar 2025 jyldyń mamyr aıynda QFF atqarýshy komıtetiniń quramyna endi.

Nursultan Qurman sport salasynda kópjyldyq tájirıbege ıe. Ol Qazaqstannyń fýtbol jáne fýtzal chempıonattaryn aqparattyq jaǵynan turaqty túrde qamtyp, birqatar arnaıy medıa-jobany ázirleý men damytýǵa qatysqan. Sondaı-aq ulttyq deńgeıdegi týrnırlerdi uıymdastyrýǵa jáne buqaralyq fýtboldy damytý bastamalaryn júzege asyrýǵa belsene atsalysqan.

Nursultan Qurman jetekshilik etetin kezeńde qaýymdastyq fýtzaldyń ınstıtýtsıonaldyq damýyn kúsheıtip, týrnırlerdiń geografııasyn keńeıtýdi, óńirlik deńgeıdegi qatysýshylardyń belsendiligin arttyryp, jarystardy sapaly medıa súıemeldeýmen qamtamasyz etýdi kózdep otyr.

Talǵat Qosmuhambetov Qazaqstan fýtzal qaýymdastyǵy vıtse-prezıdenti qyzmetine aýysady.

Eske sala keteıik, budan buryn Eýropa lıgasynda «Aqtóbeniń» syrt alańda «Legııaǵa» ese jibergenin jazǵan bolatynbyz.