Nursultan Qojamuratov Álem kýbogynyń jeńimpazy atandy
TEMІRTAÝ. QazAqparat – Bolgarııanyń Varna qalasynda KWU World Youth Cup 2021 halyqaralyq týrnıri ótti. Respýblıkalyq kıokýshınkaı-kan karate federatsııasynyń sportshylary tamasha jekpe-jekter men jaýyngerdiń shynaıy rýhyn kórsetti, dep habarlaıdy QazAqparat.
60 keli salmaq dárejesinde Temirtaý sport mektebiniń tárbıelenýshisi Nursultan
Qojamuratov úzdik tehnıka úshin júlde ıegeri atandy.
Birinshilikke álemniń 17 elinen 500-ge jýyq úzdik sportshy qatysty. Jekpe-jek bir ýaqytta tórt tatamıde ótti. Olardy álemniń sýdıalary baǵalady.
«Temirtaýlyq «Býshıdo» klýbynyń jaýyngeri Nursultan Qojamuratov 16–17 jas
aralyǵynda kýbokty jeńip aldy. Ol tórt jekpe-jekte aıqyn basymdyqpen jeńiske jetti.
Sportshyny Igor Lım men Nıkolaı Kvan jattyqtyrady», - dep habarlady Qaraǵandy oblysynyń dene shynyqtyrý jáne sport basqarmasynyń baspasóz qyzmeti.
