Nursultan Amanjolov Ońtústik Koreıada qarsylasyn nokaýtqa jiberdi
ASTANA. QazAqparat –Sýper aýyr salmaqtaǵy qazaqstandyq boksshy Nursultan Amanjolov profı-rıngtegi besinshi jekpe-jegin ótkizdi, dep habarlaıdy QazAqparat Instagram-daǵy kazproboxing paraqshasyna silteme jasap.
N.Amanjolov Ońtústik Koreıanyń Inchhon qalasynda ótken boks keshinde óner kórsetti. Onyń qarsylasy jergilikti sportshy Sýk Hı An boldy. Jekpe-jek segiz raýndqa eseptelgen bolatyn. Alaıda, úshinshi raýndta aıaqtaldy – Amanjolov opponentin nokaýtqa jiberdi.
N.Amanjolov úshin bul kásipqoı rıngtegi – besinshi jáne merziminen buryn aıaqtalǵan tórtinshi jeńisi. Onyń qarsylasyna kelsek, Sýk Hı An buǵan deıin úsh jekpe-jekte jeńiske jetken, bireýin teń aıaqtaǵan. Rıngte ekinshi ret jyǵylyp tur.
Foto: sports.kz
