Nursıla Berikbol Azııa chempıonatynda qola júldege ıe boldy
ASTANA. KAZINFORM — Kezekti jarys kúninde Qazaqstan quramasy qola medalǵa ıe boldy.
Astanada aýyr atletıkadan jasóspirimder men jastar arasyndaǵy Azııa chempıonaty jalǵasyp jatyr.
17 jasqa deıingi qyzdar arasyndaǵy saıysta Nursıla Berikbol úshinshi nátıje kórsetip, qola medal jeńip aldy. Ol qossaıystyń qorytyndysy boıynsha 177 (79+98) keli salmaqty baǵyndyrdy.
Al altyn medaldi Ońtústik Koreıa sportshysy Daen Lı jeńip aldy — 196 (88+108) keli. Ekinshi orynǵa Ózbekstan ókili Sarvınoz Kýpaısınova ornalasty — 187 (87+100) keli.
Aıta keteıik, buǵan deıin Ksenııa Prozorova men Álıhan Áskerbaı óz jas sanattarynda chempıon atanǵan edi. Sonymen qatar Ksenııa U20 týrnırinde kúmis, al Álıhan osy sanatta qola medal enshilegen bolatyn.
17 jasqa deıingi uldar arasyndaǵy jarysta Ernur Myrzahmet te úshinshi orynǵa kóterildi.
Aıta ketelik Álıhan Áskerbaı Astanada aýyr atletıkadan Azııa chempıony atanǵan edi.