«Nursaıadan» shyqqan órt tolyq sóndirildi (FOTO)
ASTANA. QazAqparat - Jańa jumys aptasynyń birinshi kúni sol jaǵalaý úshin oqys oqıǵamen bastaldy. Saǵat 18.50 shamasynda D.Qonaev kóshesiniń boıyndaǵy «Nursaıa-1» turǵyn úı kesheniniń shatyrynan órt shyǵyp, qalanyń órt sóndirý qyzmeti aıaǵynan tik turdy.
«Saǵat 19.32-de «Nursaıa-1» Turǵyn úı kesheninen shyqqan órt tolyq sóndirildi. Órttiń aýmaǵy 4 sharshy metrdi qurady. Órt sóndirýge barlyǵy 22 tehnıka men jeke quramnyń 78 qyzmetkeri jumyldyryldy»,-dep habarlady Astana qalalyq Tótenshe jaǵdaılar departamentiniń baspasóz qyzmeti.
Buǵan deıin habarlaǵanymyzdaı, búgin 18:42-de «101» nómirine «Nursaıa-1» turǵyn úı kesheniniń órtengeni týraly aqparat túsken. 18:48-de birinshi órt bólimsheleri kelip, shatyrda ot tutanǵanyn anyqtady. Oqıǵa ornyna eki jedel járdem kóligi, jol-kólik patýrl mashınalary men tártip saqshylar keldi. Astana qalalyq Іshki ister departamentiniń tergeýshileri aýmaqty sary lentamen qorshaýǵa alǵan bolatyn.
FOTO: Vıktor Fedıýnın © 2016 «QazAqparat»
