Nýrmagamed ıÝsýpov IBA aıasyndaǵy bokstan álem chempıonatyn sátti bastady

ASTANA. KAZINFORM - Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótip jatqan álem chempıonatynda 4 jeltoqsanda el quramasynan Nýrmagamed ıÝsýpov (92 keli) alǵashqy jekpe-jegin sátti ótkizdi.

Otandasymyz tájikstandyq Navrýz Djafoevpen sharshy alańǵa shyqty. Alǵashqy mınýttan qazaqstandyq boksshynyń basymdyǵy baıqalyp turdy. Nátıjesinde ol qarsylasyn birinshi nokaýtqa jiberdi.

IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar – 300 myń dollar, kúmis júldegerler – 150 myń dollar, qola júldegerler – 75 myń dollar, al shırek fınalıster 10 myń dollar alady.

Bıyl dúbirli dodaǵa jer-jahannyń 95 elinen bylǵary qolǵap sheberleri keldi.

Qazaqstan erler quramasy álem chempıonaty aldynda Ózbekstan astanasy Tashkent qalasynda birlesken oqý-jıynyn ótkizdi.