«Nurly jolǵa» bólingen qarjy 100 paıyzǵa derlik oryndalady

ASTANA. QazAqparat - «Nurly jolǵa» bólingen qarjy 100 paıyzǵa derlik oryndalady. Bul týraly búgin Úkimettiń selektorlyq rejimdegi otyrysynda QR Qarjy mınıstri Baqyt Sultanov málim etti, dep habarlaıdy QazAqparat.

«Nurly jol» baǵdarlamasy boıynsha aǵymdaǵy jyldyń 11 aıy ishinde 435 mlrd. teńge, nemese jyldyq kólemnen 92 paıyzǵa ıgerildi. Jyl boıynsha respýblıkalyq deńgeıde atqarylý tolyq kólemde derlik 99,9 paıyz deńgeıinde kútiledi. 0,5 mlrd. teńge ıgerilmeıtin bolady. Olar: Halyqaralyq qarjylyq eseptilik jobalary boıynsha Ulttyq ekonomıka mınıstrligi - 235,6 mln. teńge, Bilim jáne ǵylym mınıstrligi  130,9 mln. teńge jáne Densaýlyq saqtaý jáne áleýmettik qorǵaý mınıstrligi  109,3 mln. teńge», - dep atap ótti ol.

Onyń derekterine sáıkes, jergilikti organdar 215,5 mlrd. teńge, nemese alynǵan qarajattyń 94,5 paıyzyn ıgerdi. 12 mlrd. teńge ıgerilgen joq.

«Igerilmeýdiń eń kóp kólemi Mańǵystaý oblysynda - 1,4 mlrd. teńge, Aqtóbe - 1,3 mlrd. teńge, Almaty jáne Aqmolada - 1,2 mlrd. teńgeden, Atyraýda  1,1 mlrd.  teńge mólsherinde baıqalady. Igerilmeýdiń negizgi sebebi jumystardyń óndiris kestesinen qalý bolyp otyr», - dedi Sultanov.