«Nurly joldyń» 3 mlrd teńgesin jymqyrǵan «QazAvtoJol» basshylarynyń biri ustaldy

ASTANA. QazAqparat - QR Qarjy mınıstrligi Memlekettik kirister komıtetiniń Ekonomıkalyq tergeý qyzmeti Pavlodar oblysynyń aýmaǵynda «Nurly jol» memlekettik baǵdarlamasy aıasynda «Ortalyq-Shyǵys»  avtomobıl jolyn jańǵyrtýǵa bólingen bıýdjet qarjysynyń urlaný qylmysyn áshkereledi, dep habarlaıdy QazAqparat.

Vedomstvo aqparatyna sáıkes, 23 mamyr kúni «QazAvtoJol» ulttyq kompanııasy» aktsıonerlik qoǵamynyń Pavlodar oblystyq fılıaly dırektorynyń orynbasary A.A.Qasymhanov ustalyp, Pavlodar qalalyq ІІB ýaqytsha oqshaýlaǵyshyna qamalǵan. Oǵan qatysty 3 mlrd teńgege jýyq bıýdjet qarajatyn talan-tarajǵa saldy degen kúdik keltirilýde.