«Nurly jol» vokzalyndaǵy jattyǵý kezinde joldar jabylady
ASTANA. QazAqparat - Astana turǵyndaryna jáne qonaqtaryna vokzal aýmaǵynda oqý-jattyǵýlar ótkizilýine baılanysty joldar jabylatyny eskertiledi, dep habarlaıdy QazAqparat Elordalyq terrorızmge qarsy kúres jónindegi jedel shtabqa silteme jasap.
«6 naýryz kúni 00:00-den 04:00-ge deıin Elordalyq terrorızmge qarsy kúres jónindegi jedel shtab «Nurly jol» jańa temirjol vokzalynyń aýmaǵynda lańkestikke qarsy josparly oqý-jattyǵýlaryn ótkizedi. Sharanyń maqsaty - jedel shtab kúshteri men quraldarynyń kólik nysandaryndaǵy lańkestik kórinisteri kezinde jedel qımyl jasaýǵa daıyndyǵyn tekserý», - delingen habarlamada.
Oqý kezinde vokzal aýmaǵynda, Baıtursynov, Nájimedenov, A 62 jáne A 82 kósheleriniń qıylysynda avtokólik qozǵalysy toqtatylady.
Jattyǵýlar túrlishe qıyndyqtaǵy áskerı jaǵdaılarǵa barynsha jýyqtatylǵan. Qaýipsizdik qyzmetteri kúshtik operatsııalardy ótkizýge, sondaı-aq terakt saldaryn azaıtý jáne joıý daǵdylaryn jetildiredi.
