«Nurly jol»: Otandyq 70 avtobýs Aqtóbege jetkizildi
AQTÓBE. QazAqparat - Qazaqstanda qurastyrylǵan avtobýstar Aqtóbedegi eski qoǵamdyq kóliktiń ornyn aýystyrady. Avtobýstar 5 jylǵa lızıngke satyp alyndy, dep habarlaıdy QazAqparat tilshisi.
Aqtóbege Qostanaıda qurastyrylǵan «Ankaı» markaly 70 avtobýs pen mektep oqýshylaryna arnalǵan «Iveco» markaly 10 shaǵyn kólik jetkizildi. Bári Qostanaıdaǵy «Allıýr» kompanııasynda qurastyrylǵan. Qoǵamdyq kóliktertiń 35, al mektep avtobýsynyń 70 paıyzy otandyq ónim sanalady. Ekologııalyq taza kólik gazben júredi. Eýro-5 standartyna saı keletin avtobýs múgedekterdiń erkin qozǵalýyna jaǵdaı jasady. 
«Avtobýsta jolaýshylarǵa barlyq jaǵdaı jasalǵan. Qaýipsizdik sharasy qarastyrylǵan, beınekamera ornatylǵan. Endi GPS qoıyp, avtobýstardyń qozǵalysyn bilip otyramyz. Basty ereksheligi - Qazaqstanda jasalǵan»,- dedi oblys ákimi Berdibek Saparbaev.
Avtobýstardyń bári «Qazaqstandaǵy damý banki-Lızıng» AQ arqyly alyndy. Avtobýstar 7 paıyzdyq ústemeaqymen 7 jylǵa nesıege berilip otyr.
«Úkimettiń tapsyrmasy boıynsha elimizdegi avtoparkter jańartylady. Alǵash bop Aqtóbe qalasyna 70 avtobýs jetkizildi. Bul jobaǵa 2,1 mıllıard teńge bólindi. Onyń 70 paıyzy lızıng, 30 paıyzy «Tabys» JShS-niń úlesi bolyp tur. Endi ózge óńirlerdegi avtoparkter jańǵyrtý jumystaryn júrgize alady. Bul maqsatqa bıyl 20 mıllıard teńge qarastyrylǵan»,- «Qazaqstandaǵy damý banki-Lızıng» AQ-y basqarma tóraǵa Nurlan Baıbazarov. 
Bul avtobýstar №52, 8A marshrýttarǵa jiberiledi. Sonymen qatar búgin 10 mektep avtobýsy da paıdalanýǵa berildi.
