«Nurly jol» - bolashaǵymyzdyń jarqyn baǵdary

ASTANA. QazAqparat - Qazaqstannyń óz egemendigin alyp, qoǵamnyń tarıhı, saıası, áleýmettik, ekonomıkalyq, mádenı salalaryna eleýli ózgerister ákelip, elimizdiń tarıhı damýynyń kúrdeli satysyna kóterilýi Elbasy Nursultan Nazarbaevtyń syndarly saıasaty men kóregendiginiń arqasy.

Egemendik alǵan jıyrma tórt jyldyń ishinde elimizdiń jarqyn bolashaǵy men turaqty ekonomıkalyq damýy jolynda kóptegen iri baǵdarlamalar qabyldanyp, júzege asýda. Solardyń biri jáne biregeıi «Nurly jol - bolashaqqa bastar jol» baǵdarlamasy bolyp otyr.

Ótken jyly Elbasy Nursultan Nazarbaev ishki turaqtylyǵymyz ben ekonomıkalyq damýdyń jańa baǵdaryn kórsetý maqsatynda Qazaqstan halqyna «Nurly jol - bolashaqqa bastar jol» atty elimizdiń qarqyndy damý jolyndaǵy jeti baǵytynyń negizgi tustaryn aıqyndaı túsetin jańa ekonomıkalyq saıası baǵdarlamasyn jarııa etti. Atalǵan tarıhı qujatta daǵdarystyń aldyn alýdyń baǵdarlaryn ǵana kór­setip qoımaı, elimizdi damyǵan otyz memlekettiń qataryna qosylýǵa jaǵdaı jasap, Táýelsiz Qazaqstan tarıhynda uzaqmerzimdik damý joly anyqtalyp, bolashaǵymyzdyń jarqyn baǵdaryn aıqyndap berdi.

Sońǵy ýaqyttarda álemniń alpaýyt memlekette­rinde bolyp jatqan ekonomıkalyq ahýal, geosaıası daǵdarystar, shıkizat resýrstaryna naryqtaǵy baǵanyń tómendeýi, jańa synaqtar men jańa ekono­mıkalyq talaptar kóptegen iri memleketterdi aınalyp ótpedi. Búginde kóptegen iri derjavalarda ishki tu­raqsyzdyq pen ekonomıkalyq álsireýler oryn alyp, qarjylyq jáne ónerkásiptik toqyraýlarǵa ushyratýda, sonymen qatar jumys­syzdyq máselele­riniń beleń alýyna alyp kelip otyr. Joǵaryda atalǵan álemdik problemalar bizdiń eldi de aılanyp ótpesi anyq. Bul rette, «Nurly jol» baǵdarlamasyn elde bolýy múmkin dep tabylǵan daǵdarystardyń aldyn alý quraly dep tanyp, halyq qalaýlylary men qoǵam qaıratkerleri, jáne qarapaıym turǵyndar da qoldap, zaıyrly memleketimizdiń jarqyn damý baǵdaryna balap otyr.

Búgingi tańda qoǵamǵa úlken serpilis ákelgen atal­mysh baǵdarlama áleýmettik, ekonomıkalyq jaǵy­nan ǵana emes, elimizdegi mańyzdy máselelerdiń biri - rýhanı jáne mádenı qundylyqtarǵa erekshe kóńil bóledi. Elbasy ár jylǵy halyqqa Joldaýynda eldiń ekonomıkalyq jaǵdaıymen qosa, din máse­le­sine aıryqsha kóńil bóledi. Biz kóp ultty zaıyrly memleketpiz, sondyqtan ishki dinı turaqtylyq pen konfes­sııa­aralyq kelisimniń mańyzy erekshe ekendigin basa aıtady.

Ulttyq dúnıetanymda, halyqtyq tabıǵı sanada ıdeıalar kózge túsýinen halyqtyń tabıǵı-genetıkalyq óz erekshelikterin, ulttyq mádenıetin tolyqtaı tanýǵa jedel betburystar jasaýyna baılanysty qazaq dinı dúnıetanymynyń máni máselesi de ózekti taqyrypqa aınaldy. Halqymyzdyń dúnıetanymynyń, rýhanı ke­ńistigindegi orny kómeskilengen úrdisterinen aýys­tyrýdyń joldary ulttyq qundylyqtardy damytý úshin qajetti qubylysty zerdeli zertteý, parasatty ǵylymı negizde saraptaý bolyp otyr.

Qazirgi ýaqytta álemniń kóptegen elderinde ishki ekonomıkalyq jáne jumyssyzdyq máselelerimen qatar dinaralyq qaqtyǵystar da oryn alýda, ekstremızm men terrorızmniń is-áreketteri jıyrma birinshi ǵasyrdyń indetine aınalýda. Osynaý búkil álemdi alańdatyp otyrǵan terrorlyq áreketterdiń zardabyn beıbit turǵyndar keshýde, sonymen qatar eldiń áleýmettik jáne ekonomıkalyq jaǵdaıynyń álsireýine ákelip otyr. Damyǵan myqty memleketter­diń ózi ekonomıkalyq daǵdarystar men ekstremıstik áreket­terdiń aldynda qaýqarsyzdyq tanytýda. Osy atalǵan jaǵdaılardyń aldyn alý men oǵan qarsy turýdyń joldary «Nurly jol» baǵdarlamasynda tolyq qamtylǵan.

Qazaqstan Respýblıkasynyń Konstıtýtsııasyn­da memlekettiń zaıyrly ekendigi aıqyn kórse­tilip, sonymen qatar quqyqtyq demokratııalyq qundylyqtarǵa anyq negizdelgen jáne azamattardyń quqyqtary men bostandyqtary, onyń ishinde senim bostandyǵy qamtamasyz etilgen memleket retinde tujyrymdalǵan. Qazaqstan barlyq ulttar men ulys­tardyń rýhanı qundylyqtaryn qur­met­teıdi. Júzden astam ulttar men ulystardyń birlikte ómir súrýi - mem­lekettiń durys saıasatynyń jemisi. Atalǵan «Nurly jol - bolashaqqa bastar jol» baǵdarlamasynda josparlanyp otyrǵan mindetterdi júzegen asyrý eldegi ishki turaqtylyq pen qoǵamdyq kelisimge tikeleı baılanysty. Bul týraly Elbasy erekshe atap kórsetken.

Memlekette halyqtyń ıdentıfıkatsııasy durys bolǵan jaǵdaıda qoǵamdyq kelisim nyǵaıyp, saıası turaqtylyqty ustap turýǵa bolady. Ár azamat Joldaýda atalǵan jeti baǵyttyń júzege asýyna jumys jasap, ony ishteı sezinýi kerek. Egemendik pen memlekettilik, ishki saıası turaqtylyq sonda ǵana nyǵaıady, halyqtyń sanasynda ózara senimdilik pen otansúıgishtik sezimi arta túsedi.

Qazirgi qıyn-qystaý zamanda jalpy ulttyq múddeni, halyqtyq ustanymdy, ulttyq ıdeıa men memlekettik ıdeologııany damytqan el ǵana óziniń egemendigi men ishki turaqtylyǵyn saqtap qalady. Halyqtyń yntymaǵy jarasqan biregeı el ǵana ekstremızm, dinı terrorızm, ǵalamdaný, daǵdarys sekildi jahandyq sıpattaǵy qaýip-qaterlerge tótep bere alady.

Bul mańyzdy jobanyń negizgi ustanymy qoǵam­daǵy tynyshtyq pen ishki ekonomıkalyq, áleýmettik jaǵ­daıdy retteý, sonymen qatar dinı turaqtylyq pen konfessııaaralyq kelisimdi saqtaý bolyp otyr. Sondyqtan ult bolyp, qoǵam bolyp bolashaǵymyzdyń jarqyn baǵdaryn aıqyndap bergen aıtýly baǵdar­la­manyń júzege asýyna bir kisideı atsalysý - bizdiń boryshymyz.