«Nurly jol»: BQO aýylynda mádenıet úıi salyndy

ORAL. QazAqparat - Búgin Tuńǵysh Prezıdent kúnine oraı Terekti aýdany Podstepnyı aýylynda 300 oryndyq mádenıet úıi ashyldy, dep habarlaıdy «QazAqparat» tilshisi.

Saltanatty rásimge qatysqan oblys ákimi Altaı Kólginovtiń atap ótkenindeı, nysan qurylysyna Elbasy tapsyrmasyna sáıkes júzege asyrylyp jatqan «Nurly jol» baǵdarlamasy aıasynda qarajat bólindi. «Bul aýyl turǵyndary úshin kópten kútken qýanysh edi. Sáýletti nysan qurylysyn júrgizgen jergilikti mekeme aýyl adamdaryn da jumysqa tartty. Táýelsizdik jyldary 10 myńdaı turǵyny bar osy aýyldyń ózinde ishi-syrty birdeı kelisken mektep pen balabaqsha salynsa, endi oǵan mádenıet úıi qosylyp otyr. Kelesi jyly osy nysandarǵa jetkizetin qatqyl tabandy jol tartylyp, trotýar salynady. Tuńǵysh Prezıdent kúnine oraı oblysta 20 eldi meken ortalyqtandyrylǵan sý kózine qosyldy. Tek osy maqsatqa 3 mlrd teńge qaraldy. Aldaǵy Táýelsizdik merekesine oraı Oral qalasy men aýdandarda taǵy da turǵyn úıler paıdalanýǵa berilip, aýyldar sapaly aýyzsýmen qamtylatyn bolady. Terektide aýdan ortalyǵy Fedorov aýylynda uzyndyǵy 3,5 shaqyrymdy quraıtyn Táýelsizdik kóshesine asfalt tóseldi. Aýdandyq ortalyq aýrýhana kúrdeli jóndeýden ótkizildi. Bes aýylǵa taza sý jetkizildi. Saryómir aýylynda mektep kúrdeli jóndelip, ınternat boı kóterýde. Osynyń bári - Elbasy júrgizip otyrǵan sarabdal saıasattyń, birlik pen turaqtylyqtyń arqasy», - dedi Altaı Kólginov.

 

Qos qabatty mádenıet úıiniń qurylysyna  319,628 mln teńge jumsaldy.

 

Eske sala keteıik, aldaǵy ýaqytta Oral qalasyndaǵy jańa alańda 1400 oryndyq jańa mádenıet saraıyn salý kózdelýde.