«Nurly jol» baǵdarynda ult rýhanııaty men mádenıeti sheshýshi ról atqarady - D. Myńbaı

ASTANA. QazAqparat - «Nurly jol» baǵdarynda ult rýhanııaty men mádenıeti sheshýshi ról atqarady. Búgin «Mádenı ıntegratsııa perspektıvalary men úderisi» atty ǵylymı-zertteý jobasy aıasyndaǵy halyqaralyq ǵylymı-tájirıbelik konferentsııa barysynda QR Ulttyq mýzeıiniń dırektory Darhan Myńbaı osylaı málimdedi.

«Elbasy «Nurly jol - bolashaqqa bastar jol» atty Joldaýynda jalpyulttyq ıdeıa - Máńgilik eldi basty baǵdar etip, Táýelsizdiktiń damý dańǵylyn Nurly jolǵa aınaldyrý kerektigin aıtqan bolatyn.

«Máńgilik El - eldiń biriktirýshi kúshi, eshqashan sarqylmas qýat kózi. Ol «Qazaqstan-2050» strategııasy ǵana emes, HHІ ǵasyrdaǵy Qazaqstannyń myzǵymas ıdeıalyq tuǵyry», - degen edi N. Nazarbaev. Al bul baǵytta ult rýhanııaty men mádenıeti sheshýshi ról atqaratyny da shyndyq», - dedi jıyn barysynda D. Myńbaı.

Onyń aıtýynsha, mádenı ıntegratsııa - bul ulttyq mádenıet pen qundylyqtardyń bir-birine jaqyndaý úderisi, mádenı, kommýnıkatsııalyq, órkenıetter baılanysynyń nyǵaıýy. Al onyń barysynda ǵylym men óner jetistikteri, áleýmettik jáne saıası qyzmetterdiń jańa túrleri shapshań taralyp, onyń tutastyǵy saqtala otyryp, búgingi álemmen ıgerile túsedi.

«Mádenı ıntegratsııa - mádenıet mekemeleri, shyǵarmashyl ujymdar, mádenıet tutynýshylary arasyndaǵy ózara baılanysty tutastaı qamtyp jatady. Osy turǵydan alǵanda, joǵary mádenıettilikti saqtaýshy, tasymaldaýshy, taratýshy retindegi mýzeıdiń róli jahandaný jaǵdaıynda arta túspek», - dedi D. Myńbaı.