«Nurly Jol» baǵdarlamasy ulttyq jobaǵa aınalady
«Qazaqstandaǵy avtomobıl joldarynyń jelisi 157 myń shaqyrymdy quraıdy. Onyń 25 myń shaqyrymy respýblıkalyq joldar jáne 71 myń jergilikti, 61 myńy qala men eldi mekender arasyndaǵy joldar. Avtojol salasyn damytý úshin biz Infraqurylymdy damytýdyń 2020-2025 jyldarǵa arnalǵan «Nurly Jol» memlekettik baǵdarlamasyn ázirlegen bolatynbyz. Osy jyldan bastap bul baǵdarlama «Qýatty óńirler: el damýynyń draıveri» ulttyq jobasyna aınalady», - dedi Berik Kamalıev Ortalyq kommýnıkatsııalar qyzmetindegi baspasóz máslıhaty barysynda.
Onyń dereginshe, 2020 jylǵa deıin respýblıkalyq mańyzy bar joldardyń 13 myń shaqyrymǵa jýyǵy rekonstrýktsııalandy. Bul respýblıkalyq jeliniń 90 jáne jergilikti jeliniń 75 paıyzyn normatıvtik jaǵdaıǵa jetkizýge múmkindik berdi.
«Jalpy, Ulttyq jobaǵa sáıkes respýblıkalyq mańyzy bar joldardyń 12 myń shaqyrymyn qurylys jáne rekonstrýktsııamen, al 11 myń shaqyrymyn jóndeýmen qamtý kózdelip otyr. Sondaı-aq, jergilikti jeli joldarynyń 25 myń shaqyrymyna jóndeý júrgizý josparlanǵan», - dedi ol.
