«Nurly jol» baǵdarlamasy boıynsha salynatyn barlyq nysandardy ózimizdiń kompanııalar salýy qajet - UKP

ASTANA. QazAqparat - «Nurly jol» baǵdarlamasy boıynsha salynatyn barlyq nysandardy ózimizdiń kompanııalar salyp, olarǵa qoldanylatyn barlyq qurylys materıaldary ózimizdiń kásiporyndarda jasalýy tıis. Bul týraly búgin OKQ brıfınginde Ulttyq kásipkerler palatasynyń tóraǵasy Abylaı Myrzahmetov aıtty.

«Ózderińiz bilesizder, Ulttyq qordan úsh jyldyń ishinde «Nurly jol» baǵdarlamasy boıynsha 3 mlrd. AQSh dollary bólinedi. Onyń syrtynda «Damý» qory arqyly kásipkerlikti qoldaýǵa 100 mlrd. teńge bólingen bolatyn. Endi «Nurly jol» baǵdarlamasy engizgen ózgeristerdiń arqasynda osy 100 mlrd-tyń ústine taǵy 100 mlrd. teńge qosylady degen jospar bar. Bul qarajat «Damý» nemese «Báıterek» qorlary arqyly bankilerge jetkizilip, bank arqyly kásipkerlerge kómek bolady», - dedi ol.

Onyń aıtýynsha, taǵy bir aıta ketetin másele, daǵdarys kezinde barlyq ishki suranysty óz ishimizde qaldyrý qajet. «ıAǵnı Ulttyq kompanııalar men memlekettik organdardyń tapsyrystaryn syrtqa shyǵarmaı, óz kásipkerlerimizge bergizý qajet. Bul týraly naqty baǵdarlama bar. Qazirgi ýaqytta 280-ge jýyq kásiporyn bul baǵdarlamaǵa kirgen, onyń tizimi qazir kóbeıýde. Bul týraly Elbasy da naqty aıtqan. ıAǵnı «Nurly jol» baǵdarlamasy boıynsha salynatyn barlyq nysandardy ózimizdiń kompanııalar salyp, olarǵa qoldanylatyn barlyq qurylys materıaldary ózimizdiń kásiporyndarda jasalýy tıis. Osy jumysty biz Úkimetpen birge baqylaýǵa alyp, jospar boıynsha júrgizilýin qadaǵalaımyz», - dep túıdi A. Myrzahmetov.