«Nurly jol» baǵdarlamasy boıynsha Óskemende 22 joba júzege asyrylýda
ÓSKEMEN. QazAqparat - 2016 jyly «Nurly jol» memlekettik baǵdarlamasyn júzege asyrý sharalary aıasynda Shyǵys Qazaqstannyń oblys ortalyǵynda 22 joba júzege asyrylýda, dep habarlaıdy QazAqparat.
2016 jyly bólingen qarjy negizinde qalada jylý jáne sý júıeleri jóndeldi. Mysaly, «Novaıa sogra» aýylynda 716 metr ekiqubyrly jylý jelisi aýystyryldy. 9 monolıtti temirbeton jylý jelilik kameralardyń qurylysy oryndaldy. Tirek armatýrasy almastyryldy. Qala úshin № 3 qazandyqtan «Prombazaǵa» deıingi júrgizilgen jylý jelisiniń qurylysy da mańyzdy bolatyn.
Qala ákimi Erlan Aımuqashevtiń aıtýynsha, baǵdarlamanyń barlyq sheshýshi baǵyttary boıynsha, belsendi jumys júrgizilýde. Infraqurylym nysandary paıdalanýǵa ýaqytynda berilýde. Baǵdarlamany júzege asyrý kezinde jańa jumys oryndary ashylýda.
Bıylǵy jyly Ońtústik-aýyl kóshesin sýmen qamtamasyz etý jobasy boıynsha paıda bolǵan problemalar sheshildi. Qarashada sý jelisi qurylystarymen baılanysty jumystar aıaqtalyp, 3,5 km sýmen qamtamasyz etý jelisi iske qosylyp, oǵan 113 turǵyn úı jalǵanǵan. Kelesi jyly Lenınogor kóshesindegi nasos stantsııasyn qaıta jóndeý jumystary jalǵasady. Onyń qýaty saǵatyna 25,3 Gkal-dy quraıdy. Sonymen qatar №2 qazandyqtan bastap, 19 turǵyn úıge deıingi aralyqtaǵy magıstraldyq jelilerdiń qurylysyn aıaqtaý josparlanyp otyr.
