«Nurly jol» baǵdarlamasy aıasynda Kólik komıteti úsh ınfraqurylymdyq jobany júzege asyrady
«Atap aıtqanda, teńiz ınfraqurylymyn qurý jáne Kaspıı teńizi aılaqtary arqyly eksporttyq baǵyttar áleýetin damytý baǵytynda Quryq porty arqyly paromdar ótkeliniń qurylysy jobasy júzege asatyn bolady. Bul ótkeldińjosparlanǵan ótkizý qabileti jylyna 4 mln. tonna júkti quraıdy. Qurylys nysanynyń merzimi 2015 -2017 jyldardy qamtyp otyr. Qurylys salý barysynda qazirgi kúnniń ózinde nysan boıynsha shamamen 115 jumys orny ashyldy. Qurylys jobasynyń quny 32 mıllıard teńgeni quraıdy», - dep atap ótti D.Potlov.
Onyń aıtýynsha, búgingi tańda Quryq aılaǵynda salynyp jatqan ınfraqurylymdy magıstraldyq temirjol jelisimen biriktirýge baǵyttalǵan Borjaqty-Ersaı temirjol jobasy da qolǵa alynǵan. Bul joba temirjol quramdaryn paromnyń keleshektegi keshenine kedergisiz jetkizýdi qamtamasyz etedi. Nysan ýchaskesiniń uzyndyǵy 14 shaqyrymdy quraıdy. Qurylys merzimi 2014-2015 jyldardy qamtyp, 74 jumys orny ashylǵan. Jobanyń quny - 9,3 mıllıarda teńge. Aldaǵy ýaqytta nysandy qabyldaý jónindegi memlekettik komıssııanyń jumysy júzege asady.
«Nurly jol» baǵdarlamasy aıasynda qolǵa alynǵan úshinshi joba - Shý-Almaty temirjol ýchaskesiniń ekinshi jelisiniń qurylysy. Joba temirjol ınfraqurylymyndaǵy «tar jerlerdi» joıýǵa baǵyttalady. Bunyń ózi Qytaıdan tranzıttik júkter aǵynynyń artýyna eseptelip otyr. Osyǵan baılanysty, temirjol jelisiniń osy baǵytymen júkterdi ótkizý jyldamdyǵy eki esege artatyny, al júk aınalymynyń ózi 4 esege artatyny josparlanady.
«Temirjol qurylysynyń uzyndyǵy 110 shaqyrymdy quraıdy, al qurylys jumystary 2015-2017 jyldardy qamtıdy. Qurylys barysynda 60 jumys orny ashylady. Jobanyń quny 38,3 mıllıard teńge. Qurylys barysyna Aqtóbe rels shyǵarý zaýytynyń relstik ónimderi paıdalanylatyn bolady», - dedi D.Potlov.
