«Nurly jol» baǵdarlamasy aıasynda 2016-2017 jyldary jaldamaly turǵyn úı boıynsha jospar - 324,1 myń sharshy metr
«Nurly jol» baǵdarlamasy aıasynda 2016-2017 jyldarǵa jaldamaly turǵyn úı boıynsha jospar 324,1 myń sharshy metrdi, kredıttik turǵyn úı boıynsha jospar 366,9 myń sharshy metrdi quraıdy. Búgingi kúni 2016-2017 jyldary tapsyrylatyn 268,9 myń sh.m. (4 441 páter) salý úshin sharttarǵa qol qoıyldy»,- dedi E.Hamıtov.
Onyń aıtýynsha, jaldamaly turǵyn úı salý men satyp alýǵa «Qazaqstandyq ıpotekalyq kompanııa» AQ baǵyty boıynsha 2015-2016 jyldary Ulttyq qordan 115 mlrd. teńge bólindi.2015 jyldyń qorytyndysy boıynsha jospardaǵy 401 myń sharshy metr ornyna 425,5 myń sharshy metr turǵyn úı (7 234 páter) paıdalanýǵa tapsyryldy, shamamen 21 myń jumys orny quryldy jáne saqtaldy. 2016 jyldyń nysandary boıynsha josparly 326 myń sharshy metrdiń ornyna 371,9 myń sharshy metr (6 521 páter) salýǵa sharttar jasaldy. Sonyń ishinde búgingi kúni 26,8 myń sharshy metr turǵyn úı paıdalanýǵa tapsyryldy, 345,1 myń sharshy metr turǵyn úıdiń qurylysy júrip jatyr.
Budan basqa, Holdıngtiń enshiles uıymy «Báıterek Development» AQ-da 431 myń sharshy metrge (7,6 myń páter) qosymsha jobalar pýly bar.
