«Nurly jol» aıasyndaǵy mektepterdiń qurylysyna qatysty problemaǵa kim kináli
ASTANA. QazAqparat - QR Bilim jáne ǵylym vıtse-mınıstri Bıbigúl Asylova «Nurly jol» baǵdarlamasy aıasynda salynýy tıis mektepterdiń qurylysyndaǵy túıtkildi máselerdiń bolý sebebin túsindirdi, dep habarlaıdy QazAqparat tilshisi.
«Eń aldymen mektepterdiń quny 1,5 mlrd teńgeden 2,5 mlrd teńgege deıingi aralyqty quraıdy. ıAǵnı jobanyń quny ártúrli. Bul 600 mln teńge nemese 2014 jyly 400 mln teńge bolǵan balabaqsha emes. Ekinshiden, jergilikti atqarýshy organdar ózderiniń múmkinshilikterin baǵalaıdy. konkýrstyq protsedýraǵa olardyń ýaqyttary jetpeıdi. Sondyqtan olar qurylysty 2-3 jylǵa bólip tastaǵan. Osyǵan baılanysty biz ákimderdiń bergeni boıynsha atalǵan aqshany saldyq. Bizge «Nurly jol» baǵdarlamasy esebinen bólgen qarajattyń kólemi qurylys jumystary kózdelgen nysandardy tolyqtaı kólemde qarjylandyrýǵa jetpeıdi. Biz muny, aqshanyń jetispeıtindigin aıttyq», - dedi ol Májiliste bilim nysandarynyń qurylysyna arnalǵan otyrysta.
Alaıda bilim vıtse-mınıstriniń mundaı jaýaby depýtattardyń kóńilinen shyǵa qoıǵan joq. Máselen, Májilis depýtaty Irına Aronova odan bul máseleni mınıstrlik nelikten erte kótermegendigin surady.
«Siz qarajat jetispeıtindigin birde-bir ret aıtqan emessiz. Qazir biz onyń sebebi qarjylandyrýdyń jetkiliksizdigi, durys qarjylandyrmaý, jobanyń qymbattaýy dep oılap otyrmyz. Oryn alǵan problemanyń jaýabyn da tappaı otyrmyz. Al Siz jetpeıdi deısiz. Onda Ulttyq qor esebinen qansha mektep salynǵany jáne atalǵan mektepterdiń quny týraly aqparat berińiz. Sonda biz Sizdiki durys ekenin túsinemiz», - dedi depýtat.
Osy rette Bıbigúl Asylova árbir mekteptiń ózine tán problemasy bar ekenin aıtty.
«Respýblıkalyq bıýdjettiń, Ulttyq qor qarajaty esebinen qurylysy bastalǵan 48 mektep qalyp otyr. Biz árbir nysanǵa qatysty aqparat beremiz. Ol jerde sot, ıgermeý, qymbattaý, qylmystyq is syndy túrli sebepteri bar, óte kóp. Árbir mekteptiń ózine tán problema bar»,- dedi vıtse-mınıstr.
