«Nurly jol» aıasynda jylý, sýmen jabdyqtaý jáne sý burý júıesin jańǵyrtýǵa 450 mlrd. teńge bólinedi

ASTANA. QazAqparat - «Nurly jol» aıasynda jylý, sýmen jabdyqtaý jáne sý burý júıesin jańǵyrtýǵa 450 mlrd. teńge bólinedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıstri Qaıyrbek Óskenbaev aıtty.

«Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasy aıasynda jylý, sýmen jabdyqtaý jáne sý burý júıesin jańǵyrtýǵa jalpy alǵanda 450 mlrd. teńge bólinedi», - dedi ol.

Onyń atap ótýinshe, atalǵan qarjynyń 60 mlrd. teńgesi 2015 jyly, 90 mlrd. teńgesi 2016 jyly bólinse, 2017-2019 jyldary jyl saıyn bul salaǵa 100 mlrd. teńgeden baǵyttalatyn bolady.

«Búgingi kúni jergilikti ákimdikter jalpy somasy 269,4 mlrd. teńgeni quraıtyn 200 jobany usynyp otyr. Al aǵymdaǵy jyly atalǵan jobalardy júezege asyrý úshin 60 mlrd. teńge bólingendikten Qazaqstannyń barlyq óńirinen 96 joba iriktep alyndy», - dedi Q.Óskenbaev.