«Nurly jol» aıasynda zańbuzýshylyqtardyń jartysy AShM-ge tıesili

ASTANA. QazAqparat - Aqordada QR Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń kezekti otyrysy ótti. 

Bul joly «Nurly jol» memlekettik baǵdarlamasyn iske asyrý jaıy sóz boldy, dep habarlaıdy QazAqparat tilshisi.

«Nurly jol» baǵdarlamasy bastalǵaly beri oǵan 2 trln teńge jumsaldy. Qazirgi aqparatqa sáıkes, tıisti sharalar durys atqarylmaı jatyr. Máselen, memlekettik aýdıt kezinde 34,3 mlrd teńgeniń zańbuzýshylyqtary anyqtaldy. Prokýrorlyq tekserister tek aýyl sharýashylyǵy salasynda ǵana 15 mlrd teńgeniń 3,5 myń zańbuzýshylyǵyn áshkereledi. Budan bólek, 2,6 mlrd teńgeniń sýdsıdııasyn zańsyz bólý áreketterine jol berilmedi», - deıdi QR Memlekettik hatshysy Gúlshara Ábdihalyqova.

Resmı málimetke sáıkes, 2015 jyldan beri QR Memlekettik qyzmet isteri jáne sybaılas jemqorlyqqa qarsy kúres agenttigi 27 qylmystyq isti qozǵady. Atalǵan ister bıýdjetke mıllıardtaǵan shyǵyn keltirdi.

Aıta ketken jón, komıssııa otyrysy barysynda QR Investıtsııalar jáne damý mınıstrligi, QR Bas prokýratýrasy, QR Respýblıkalyq bıýdjettiń atqarylýyn baqylaý jónindegi Esep komıtetiniń baıandamalary tyńdaldy. Selektorlyq rejimde aımaqtar da beınebaılanysqa shyqty.