«Nurly jol» aıasynda 27 balabaqsha salynady
ASTANA. QazAqparat - Aldaǵy úsh jyl ishinde elimizde «Nurly jol» baǵdarlamasy aıasynda 27 balabaqsha paıdalanýǵa beriledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Parlamenti Májiliniń depýtaty Gúlmıra Isimbaeva aıtty.
«Nurly jol» baǵdarlamasy aıasynda balabaqshalar salýǵa 10 mlrd. teńge bólinedi. Tolyqtaı alǵanda, aldaǵy úsh jyldyń ishinde 27 balabaqsha salý kózdelýde. Olardyń basym bóligi balalardy mektepke deıingi bilimmen qamtý kórsetkishi tómen bolyp otyrǵan óńirlerde boı kóteretin bolady», - dedi halyq qalaýlysy.
Onyń sózine qaraǵanda. Qazaqstannyń 6 oblysynda balalardyń balabaqshamen qamtylýy ortasha respýblıkalyq deńgeıden tómen bolyp otyr. Olar myna óńirler: Almaty men Astana qalasy jáne Ońtústik Qazaqstan, Almaty, Jambyl jáne Mańǵystaý oblystary.
«Almaty men Astana halyq tyǵyz ornalasqan óńirler. Bul óńirlerde halyqtyń ishki kóshi-qony óte qarqyndy júrýde. Týý kórsetkishi de joǵary ekendigi túsinikti. Máselen, Almatyda balabaqsha salý úshin jer ýchaskeleriniń jetispeýshiligi problemaǵa aınalyp tur», - dedi depýtat.
