«Nurly jerge» kiretin Astanadaǵy problemalyq nysandar tizimi jarııalandy

ASTANA. QazAqpaarat - Apta saıynǵy apparattyq keńes barysynda problemaly turǵyn úı qurylysyna úlestik qatysý máseleleri qaraldy, dep habarlaıdy Astana qalasy ákimdiginiń resmı saıty. 

Astana qalasy ákiminiń birinshi orynbasary Sergeı Horoshýn «Nurly Jer» turǵyn úı qurylys baǵdarlamasyna qatysatyn obektilerdiń qorytyndysyn baıandady.

«Aldyn ala jrııalanǵan kestege sáıkes «Nurly Jer» turǵyn úı qurylysy baǵdarlamasyna problemaly nysandardy qatystyrýdy qaraý aıaqtaldy», - dep aıtty S. Horoshýn.

Onyń aıtýynsha, 39 nysan qaralǵan, onyń ishinde 12 nysan «Elorda» kurylys kompanııasy» JShS ýákiletti uıymynyń qaraýyna usynyldy («Jaǵalaý 3», «Jaǵalaý 4», «Shyǵys», «Pana», «Stolıchnyı 2», «Garant», «Dınastııa», «Esıl EK», «Arystan», «Arabı 2», «Terrıtorııa komforta-1», «Turan Syǵanaq»).

Qalǵan 15 turǵyn úı keshenderiniń TQK tóraǵalaryna paıshylarynyń jalpy jınalysyn ótkizip nysandardyń qurylysyn aıaqtaý algorıtmin anyqtap, VAK habardar etý usynyldy. («Hazret», «Aısanam de lıýks», «Sadovye kvartaly», «Comfort DeLuxe», «Jeti Jol», «Komsomolskıı», «Samal», JSK «Úmit - Bereke», JK «Praga», Kóktal (lot 1,2,3)ońtústik-shyǵys turǵyn úı kesheni, «Tamasha úı», «Obereg», «Zere-1», «Zere-2», «Aqjol», «Magıstralnyı 3», 3 ochered).

Al 6 turǵyn úı kesheni («Rýh», «Anısa -2,3», «Koktal», «MJK Asar», «Abat», «JK po 150 let Abaıa») TQK «Nurly Jer» baǵdarlamasynyń qatysýynsyz ınvestorlarmen qurylysty aıaqtaý boıynsha kelisimsharttar jasasqan. 

Al qalǵan 6 nysannyń («Fıýchı hom», «Jastar-4», «Altyn Bulaq», «Aqerke-2», «Munar-2», «Kýrgaldjınskıı kvartal») qurylysyn aıaqtaý nysandardy TQK bergennen keıin baǵdarlama sheńberinde qaralatyn bolady, - dep aıtty S. Horoshýn.