«Nurly jer»: Túlkibasta 7 turǵyn úıdiń qurylysy bastaldy
ShYMKENT. QazAqparat - Ońtústik Qazaqstan oblysy Túlkibas aýdanynda «Nurly jer» memlekettik baǵdarlamasy sheńberinde kópqabatty 7 turǵyn úıdiń qurylysy júrip jatyr. Oǵan qazynadan jalpy 2 mlrd 600 mıllıon teńgeden astam qarjy bólindi, dep habarlaıdy QazAqparat tilshisi.
Turǵyn úıler aýdan ortalyǵy Turar Rysqulov jáne Sastóbe aýylynda boı kóterýde. Bul eldi mekenderde búginde 32 myńǵa jýyq halyq turady. Qurylys jumystary qarqyn alǵan aýdan ortalyǵynda kópqabatty bes, al Sastóbe poselkesinde 32 páterlik eki turǵyn úı salynýda.
Qurylys jumystary josparǵa saı aǵymdaǵy jyldyń sońy men keler jyldyń basynda aıaqtalyp, paıdalanýǵa berilýi tıis. Nátıjesinde 320 otbasy baspanaly bolyp, qonys toıyn toılamaq. Osylaısha, túlkibastyqtardyń «Nurly jer» memlekettik baǵdarlamasynyń sharapatyn kóretin kúnderi alys emes.
Atalǵan aýyldarda sondaı-aq aımaqtyń ınjenerlik-kommýnıkatsııalyq ınfraqurylymy da júrgizilýde.
Aıta keteıik, búgingi tańda aýdanda 1507 azamat turǵyn úı kezeginde tur.
