Nurly jer: Tarazda apta saıyn kóppáterli turǵyn úı paıdalanýǵa berilip jatyr

TARAZ. QazAqparat – Taraz qalasynda 80 páterli turǵyn úı paıdalanýǵa berildi. Qalada ár apta saıyn páterler kiltin tapsyrý dástúrge aınalýda desek, bul jyl basynan beri osymen úshin apta qatarynan berilip otyrǵan kópqabatty turǵyn úı, - dep habarlaıdy QazAqparat.

«Atalǵan turǵyn úı shahardaǵy jańadan qurylysy júrip jatqan 15-móltek aýdannan berildi. Ondaǵy páterlerdiń deni kóp jyldan páter kezeginde turǵan halyqtyń áleýmettik jaǵynan osal toptaryna, kópbalaly analar men jetimderge berildi. Turǵyn úı olarǵa arendalyq, satyp alý quqyǵynsyz jalǵa berildi. Qurylysty júrgizýshi merdiger «Agrospeıstroı» jaýapkershiligi shekteýli seriktestigi»,-delingen Taraz qalasy ákimdiginiń baspasóz qyzmetiniń habarlamasynda.

Taraz qalasy ákiminiń orynbasary Kenjebek Oljabaı turǵyndardy baspanaly bolýymen quttyqtap, páter kiltterin ıelerine saltanatty jaǵdaıda tapsyrdy. Jalpy, «Nurly jer» turǵyn úı qurylysy baǵdarlamasy aıasynda Taraz qalasyndaǵy Y.Súleımenov kóshesiniń sońyndaǵy 362 gektar jerde shamamen 8500 otbasyna arnalǵan 190 kópqabatty úılerdi quraıtyn 15-móltek aýdany boı kóterýde. Búginde alqaptyń baılanys, káriz, sý jáne gaz qubyrlary jelileriniń qurylystary aıaqtalyp, elektrmen qamtý, ishki kvartaldyq kólik jolynyń jáne jylý jelileriniń qurylysy iske asyrylýda.

Búgingi tańǵa deıin alqapta 26 turǵyn úı nemese 1020 páter halyq ıgiligine berildi. Sonymen qatar, ótken jyldan ótpeli 20 turǵyn úıdiń qurylysy jalǵasýda. ıAǵnı aldaǵy ýaqytta 1440 páter ıeleri óz úılerine qonystanady dep kútilýde.