Nurly jer: Stepnıak qalasynda kóppáterli turǵyn úı salynyp jatyr

KÓKShETAÝ. QazAqparat – Aqmola oblysynyń Birjan sal aýdanynda «Nurly jer» baǵdarlamasy boıynsha taǵy bir 21 páterli turǵyn úı salynyp jatyr, dep habarlaıdy QazAqparat tilshisi.

Aýdandyq qurylys bóliminiń basshysy Baqtııar Mustafınniń aıtýynsha, Stepnıak qalasynda 2019 jyly «Nurly jer» baǵdarlamasy boıynsha 21 páterli turǵyn úıdiń qurylysy bastalǵan.

«Bul úıdiń qurylysy ótken jyldyń qazan aıynda aıaqtaldy. Mundaǵy páterlerge 22 naýryzda kópbalaly otbasylar, jetimder úıiniń tárbıelýshileri, turǵyn úı kezeginde turǵandar jáne bıýdjettik mekeme qyzmetkerleri qonystandy», - deıdi Baqtııar Mustafın.

Qurylys bólimi basshysy atap ótkendeı, ótken jyldyń kúzinde taǵy 21 páterli turǵyn úıdiń qurylysy qolǵa alynǵan. Ol úshin merdiger kompanııa «Ońtústik qurylys kompanııasy» jaýapkershiligi seriktestigimen 190 mıllıon teńgege kelisimshart jasaldy.

Abylaıhan kóshesiniń boıynda salynyp jatqan bul úsh qabatty turǵyn úıdiń qurylysy qazir qarqyndy júrgizilýde. Ǵımarattyń qabyrǵalary turǵyzylyp, tóbesi plıtamen jabylýda. Sonymen birge, esik, terezesi ornatylýda. Joba boıynsha bul turǵyn úıdi bıylǵy jylǵy tamyz aıynda paıdalanýǵa berý josparlanǵan.

Aldaǵy jyldary aýdan ortalyǵynda osyndaı kóppáterli taǵy birneshe turǵyn úı salynatyn bolady. Bul úılerdiń jobalyq-smetalyq qujattary ázirlenip jatyr.