Nurly jer: Semeıde 50 úı paıdalanýǵa beriledi
Memlekettik baǵdarlamanyń pılottyq baǵyty jeke turǵynúı qurylysyn damytýǵa baǵyttalǵan. Semeı qalasynyń turǵyndarymen on jyl boıy «Turǵyn úı qurylys jınaq banki» jumys istep keledi. Osy ýaqyt aralyǵynda 1340 qala turǵyny baspanaǵa qol jetkizdi. Bul jumystar endi «Nurly jer» memlekettik baǵdarlamasynyń aıasynda júrip jatyr.
«Nurly jer» memlekettik baǵdarlamasy turǵyndarǵa tómen paıyzdyq mólsherde turǵyn úı berýdi qarastyrady. Baǵdarlama 2 baǵytty qamtıdy. ıAǵnı, jeke turǵyn úı qurylysy men kópqabatty úılerdi salý. Kópqabatty úıler jańa Qaraǵaıly aýdanynda salynyp jatyr. Atalǵan aýdanda bıyl 486 páterlik 8 turǵynúı paıdalanýǵa beriledi», - dedi «Turǵynúı qurylys jınaq bankiniń» basshysy Merýert Ahmetýllına.
Semeıde jeke turǵynúı qurylysyna jer telimin alý úshin 20 myńnan astam adam kezekte tur. «Nurly jer» baǵdarlamasy aıasynda jeke turǵynúı qurylysy úshin sonymen qatar Aqsaı shaǵyn aýdany qarastyrylǵan. Munda 60-qa jýyq aýmaq bólindi. Onyń 50-inde bıyl aýmaǵy 80-nen 120 sharshy metr bolatyn baspana salý josparlanýda. Ár baspananyń bir sharshy metri 120 myń teńge. Al úılerdiń qurylys jumystarymen «Sát Trans» jáne «Órken» JShS aınalysady.
Bank mamandarynyń aıtýynsha, eger qala turǵyny jeke turǵynúı qurylysy úshin kezekte tursa, onda 10 gektar jer telimi tegin beriledi. Al salynǵan úıdi jeke qarajat esebinen satyp alýǵa nemese «Turǵynúı qurylys jınaq banki» arqyly jeńildetilgen nesıe boıynsha rásimdeýge bolady.
