«Nurly jer»: Lısakov qalasynda jas dárigerlerge páter berildi
Aımaq basshysynyń sapary qaladaǵy №17 úıdiń turǵyndaryna páter kiltterin tapsyrý saltanatynan bastaldy. Baspana «Nurly jer» memlekettik baǵdarlamasy aıasynda turǵyzyldy.
«Halyqty qoljetimdi turǵyn úımen qamtamasyz etý maqsatynda Lısakov qalasynda táýelsizdik jyldary alǵash ret bes qabatty 60 páterli úı salyndy. Jańa páterlerdiń kiltteri bıýdjettik sala ókilderi, memlekettik qyzmetkerler jáne kópbalaly otbasylarǵa berilip otyr. Sondaı-aq osy qalaǵa jumysqa kelgen 10 dárigerge páter bólindi. Jalpy, qurylys jumystaryna 452 mln teńge qarajat jumsaldy. Úıdi Rýdnyı qalasynyń qurylys kompanııasy saldy», - dedi oblys basshysy.
Arhımed Muhambetov 7 shaǵynaýdandaǵy № 12 úıge bas suqty. Bul nysandy «Qazaqstan Allıýmınııi» AQ jeke ınvestıtsııalar esebinen saldy. Nysannyń qurylysy 2017 jyly bastaldy. Paıdalanýǵa berilgen 60 páterdiń úsheýi óńirdiń jas dárigerlerine bólindi.
Budan ári oblys ákimine qalanyń jylytý maýsymyna daıyndyǵy tanystyryldy. «Lısakovskgorkommýnenergo» jylý ortalyǵy qys maýsymyna daıyn. Alaıda, jumystardyń júıeli júzege asýyna turǵyndardyń kommýnaldyq qaryzdary kedergi bolyp otyr. Búginde qala turǵyndary jylýǵa 30 mln teńge qaryz. Arhımed Muhambetov Lısakov qalasynyń ákimi Almat Ysmaǵulovqa boryshkerler qataryn azaıtý týraly tapsyrma berdi. Sondaı-aq, qalanyń áleýmettik-ekonomıkalyq damýyn jaqsartý boıynsha jumystardy keshendi túrde júrgizýdi mindettedi.
