Nurly jer: Qostanaıda 99 otbasy baspanaly boldy
Otbasylardyń barlyǵy kommýnaldyq turǵyn úı kezeginde turǵandar. Olarǵa páterler satyp alý quqyǵymen jalǵa beriledi. Jaldaý quny 1 sharshy metr úshin aıyna 784,11 teńgeni quraıdy. 99 páterlik toǵyz qabatty úı «Áýejaı» shaǵyn aýdanynda ornalasqan. Olar árlengen jáne qonystanýǵa daıyn kúıinde tapsyryldy. Bir, eki jáne úsh bólmeli páterlerdiń aýdany 36,4 - 69,3 sharshy metrge deıin.
Baspanaly bolǵandar arasynda - kópbalaly otbasylar, múgedekter jáne múgedek balalardy tárbıelep otyrǵan otbasylar, ata-anasynyń qamqorlyǵynsyz qalǵan jetim balalar jáne halyqtyń áleýmettik osal toptaryna jatatyn basqa da azamattar bar.
«Satyp alý múmkindigimen jalǵa berý - bul azamattardyń eń osal toptary úshin turǵyn úı máselesiniń sheshimi. Qalyptasqan júıeniń ashyqtyǵy turǵyn úıdiń shyn máninde muqtaj adamdarǵa berilýine kepildik beredi. Al bastapqy jarna men artyq tólemniń bolmaýy otbasylarǵa qarjylyq júktemeni tómendetedi», - dedi kiltterdi tapsyrý sharasyna qatysqan «Qazaqstan Ipotekalyq Kompanııasy» IU» AQ basqarýshy dırektory Arman Muhatov.
Málim bolǵandaı, jyl sońyna deıin «satyp alý quqyqyǵymen jalǵa berý» baǵyty boıynsha Qostanaıda jergilikti atqarýshy organdarda kezekte turǵandar arasynda taǵy 99 páter úlestiriletin bolady.
«Baǵdarlamany iske asyrýdyń tutas kezeńinde, 2015 jáne 2019 jyldar aralyǵynda, Qazaqstan Ipotekalyq Kompanııasy atalmysh baǵyt boıynsha elimizdiń 21 qalasy men 3 oblysynda jalpy aýdany 1 073 340,60 sharshy metr bolatyn, 112 nysandy (18 840 páter) paıdalanýǵa berdi», - delingen aqparatta.
