Nurly jer: Kókshetaýda 65 otbasy jańa páterdiń kiltin aldy

KÓKShETAÝ. QazAqparat – QR Konstıtýtsııasy kúni qarsańynda Kókshetaýda bir top aqmolalyqqa «Nurly jer» baǵdarlamasy boıynsha jańa páterdiń kilti tapsyryldy, dep habarlaıdy QazAqparat tilshisi.

Sharaǵa qatysqan aımaq basshysy Ermek Marjyqpaev turǵyndardy Konstıtýtsııa kúnimen quttyqtaı kele, jańa páterdiń kiltin tabys etti.

Baspanaly bolǵandardyń basym kópshiligi - uzaq ýaqyt páter kezeginde turǵandar. Aımaq basshysy óz sózinde memleket saıasatynyń basty baǵyty - ár qazaqstandyq otbasyn baspanamen qamtý ekenin atap ótti.

Sońǵy jyldary oblysta 3 mıllıonnan astam sharshy metr baspana berilgen.

«Osy maqsatta elimizde tıisti baǵdarlamalar bar. Buǵan bizdiń oblysymyz belsendi qatysýda. Bıyl oblysta 570 myń sharshy metr, onyń ishinde Kókshetaý qalasynyń ózinde 240 myń sharshy metr baspana berý josparlanǵan», - dedi Ermek Marjyqpaev.

Bul joly baspanaly bolǵan 65 otbasynyń 25-i jańa páterdiń kiltin saltanatty jaǵdaıda ákimniń qolynan aldy.

Sonymen birge, aımaq basshysy medıtsınalyq mekemelerge qyzmettik sý jańa avtokólikterdiń kiltin tabys etti.

Eske sala keteıik , osyǵan deıin Konstıtýtsııa kúni qarsańynda Bulandy aýdanynyń ortalyǵy - Makınsk qalasynda jańadan salynǵan 45 jáne 60 páterli eki úıden jańa páterlerdiń kilti tapsyrylǵan bolatyn.