«Nurly jer»: Qaraǵandyda medıtsına qyzmetkerleri úıli boldy
QARAǴANDY. QazAqparat – QR Táýelsizdik kúni qarsańynda «Nurly jer» memlekettik baǵdarlamasy boıynsha qaraǵandylyq dárigerler jańa páter kiltterin aldy. Qonys toıyn 14 otbasy atap ótýde, dep habarlaıdy QazAqparat tilshisi.
Jańa baspananyń baqytty ıegerlerin qonys toıymen Qaraǵandy qalasynyń ákimi Ermaǵanbet Bólekpaev jáne «Qazaqstandyq ıpotekalyq kompanııasy» IU» AQ Basqarma tóraǵasynyń orynbasary Aısultan Aqshýrın quttyqtady.
«Búginde «Qazaqstandyq ıpotekalyq kompanııasy men Qaraǵandy oblysynyń ákimdigi arasyndaǵy kelisimniń arqasynda «Nurly jer» memlekettik baǵdarlamasyn iske asyrý aıasynda 14 medıtsına qyzmetkeriniń otbasy jańa qonystanýshylarǵa aınaldy. Sizderdi quttyqtaımyn jáne otbasylyq baqyt tileımin, bul úı kóp qýanysh ákeledi! Jaqyn arada bul úıde muǵalimder men JOO oqytýshylarynyń otbasylary da páter alady. Mamandardyń turǵyn úı máselesin sheshý jalǵasatyn bolady», – dep quttyqtady Ermaǵanbet Bólekpaev.
«5 jyldan astam ýaqyt boıy biz halyqtyń áleýmettik osal toptarynan shyqqan azamattarǵa páterlerdi 20 jyldan keıin óz menshigine artyq tólemsiz jáne bastapqy jarnasyz alý múmkindigimen jalǵa berip kelemiz. Jańa qonys ıelerin quttyqtaımyn jáne bul páterler árdaıym jyly, jarqyn sátterge toly bolýyn, sizderde tek jaqsy oqıǵalar bolǵanyn tileımin!» - dedi Aısultan Aqshýrın.
Barlyq páterler taza árlengen jáne qonystanýǵa tolyq daıyn. Turǵyn úıdiń sharshy metrin jalǵa alý quny aıyna 1 226 teńgeni quraıdy. Jaldaý merzimi – 20 jyl. Biraq páterdi merziminen buryn satyp alyp, jekemenshikke aýystyrýǵa bolady.
«Men jaqynda ǵana medýnıversıtetti bitirip, jarty jyldan beri oblystyq perınataldyq ortalyqta jumys isteımin. Buǵan deıin turǵyn úıdi jalǵa alyp, qazirgiden kóp tóledim. Biraq qazir aqshany menshikke ótetin páter úshin tóleıtinimdi bilemin», - deıdi neonatolog Farhat Madet.
Qazir kez kelgen salanyń jas mamandary úshin kóptegen múmkindikter bar, dep atap ótti Qaraǵandy qalalyq №3 kópsalaly aýrýhanasynyń onkolog-hımıoterapevt dárigeri Jadyra Nurketaeva.
Aıta ketý kerek, óńirde ekinshi jyl qatarynan jas mamandardy qyzmettik baspanamen qamtamasyz etý baǵdarlamasy júzege asyrylýda. Ol úshin jańa úıler salynyp qana qoımaı, bar úıler qaıta jańartylyp, jóndelýde. Páterler jıhazben jáne turmystyq tehnıkamen jabdyqtalǵan.
Bıyl Qarqaraly, Buqar Jyraý jáne Aqtoǵaı aýdandarynda dárigerler 34 páter aldy. Kelesi jyly Qaraǵandy, Temirtaý jáne Qarajalda 110 qyzmettik páter tapsyrýǵa daıyndalýda. Jezqazǵanda medıtsınalyq kásiporynnyń balansyna 28 páterli úı berildi, ony 2021 jyly jóndeý josparlanǵan. Prıozersk qalasynda medıtsına qyzmetkerlerine bes qabatty úıden alty páter bólindi.
Búgingi kúnge deıin densaýlyq saqtaý basqarmasy 138 páterdi abattandyrý boıynsha úsh jobany júzege asyrǵan.
