Nurly jer: Ereımentaý aýdanynda kóppáterli eki turǵyn úı salynyp jatyr
KÓKShETAÝ. QazAqparat - Aqmola oblysynyń Ereımentaý aýdanynda «Nurly jer» baǵdarlamasyn júzege asyrý aıasynda eki joba júzege asyrylýda. Bul týraly óńirlik kommýnıkatsııalar qyzmetinde ótken brıfıngte aýdan ákimi Abaı Áljanov aıtty, dep habarlaıdy QazAqparat tilshisi.
«Ereımentaý qalasynda 45 páterli jalǵa beriletin jáne 45 páterli kredıttik turǵyn úıdiń qurylysy júrip jatyr. Bul úıler 2020 jyldyń 11 mamyrynda salyna bastaǵan bolatyn. Búgingi kúni ǵımarattyń 5-shi qabatynyń qabyrǵalaryn qalaý aıaqtalyp, paıdalanýǵa berý merzimi 2021 jyldyń shilde aıyna josparlanyp otyr», - dedi aýdan ákimi.
Sonymen birge, 2020 jyly Ereımentaý qalasynda quny 614 mıllıon teńgege 60 páterli (jalǵa beriletin) kommýnaldyq turǵyn úıdiń qurylysy bastaldy.
Qazirgi kezde jobany anıaqtaý úshin 522,2 mıllıon teńge qarjy qajet.
Aıta keteıik, Aqmola oblysynda baspanaǵa muqtaj azamattar úshin jalǵa beriletin turǵyn úı qurylysy qarqyn alǵan.
Jalpy óńir boıynsha bıyl jalǵa beriletin 37 turǵyn úıdiń qurylysy júrip jatyr.
