«Nurly jer»: BQO-da 21 kópqabatty úı salynbaq
ORAL. QazAqparat - Batys Qazaqstan oblysynda «Nurly jer» baǵdarlamasy aıasynda qalada 21 kópqabatty jáne aýyldarda 123 úı salý kózdelýde, dep habarlaıdy «QazAqparat» tilshisi.
Oblys ákimi Altaı Kólginovtiń aıtýynsha, sonyń nátıjesinde 2 myń otbasy baspanaly bolmaq. Sonda úsh jyldyń qorytyndysy boıynsha úıli bolǵandar sany 5 myńnan asady.
Memlekettik-jekeshelik áriptestik aıasynda apatty jáne eski úılerdiń ornyna jańasyn turǵyzý jumystary jalǵasady. Oblysta osyndaı 243 úıdiń 43-i apatty dep tanylǵan bolatyn. 2016-2018 jyldary 20 úıdi súrip tastaý josparlansa, sonyń jartysynyń ornyna qazir osy zamanǵy ǵımarattar boı kóterýde.
Memleket basshysy qabyldaǵan «Nurly jer» baǵdarlamasyna sáıkes óńirge osyǵan deıin 14 mlrd astam teńge bólingen bolatyn. Soǵan sáıkes oblys ortalyǵynda 14 jańa kóp qabatty jáne segiz aýdanda 188 bir qabatty turǵyn úı iske qosyldy. 1500-den astam otbasy turǵyn úıge qol jetkizdi. Sońǵy eki jylda baspanaly bolǵan otbasylar sany 3 myńnan asty. Sonyń ishinde 700-i - jetim óskender, ardagerler men múgedekter jáne basqa áleýmettik jaǵynan az qamtylǵan azamattar. Ótken jyly paıdalanýǵa berilgen turǵyn úıler sany aldyńǵy jylǵydan 42 paıyzǵa artty.
Aıta keteıik, qazirgi kezde «Turǵyn úı qurylys jınaq banki» salymshylary 56 myń adam bolsa, kezekte turǵandar sany - 22 myń.
