«Nurly jer» baǵdarlamasynyń jańa redaktsııasy bekitiledi

NUR-SULTAN. QazAqparat – 2019 jyldyń sońyna deıin «Nurly jer» baǵdarlamasynyń jańa redaktsııasy bekitiledi. Bul týraly Úkimet otyrysynda Indýstrııa jáne ınfraqurylymdyq damý mınıstri Roman Sklıar málim etti, dep habarlaıdy QazAqparat tilshisi.

«Elbasynyń tapsyrmasyn iske asyrý aıasynda turǵyndardy jylýmen, sýmen jabdyqtaý jáne sý burý, kommýnaldyq sektordy jańǵyrtý jáne úılerdi jóndeý máseleleri boıynsha «Nurly jer» baǵdarlamasyn ázirleýde jumystar júrgizilip jatqanyn atap ótkim keledi. Joba tujyrymdamasy depýtattardyń qatysýy arqyly Úkimette tanystyryldy», - dedi mınıstr.

Onyń sózine qaraǵanda, búgingi kúni qoldanystaǵy jáne jańa is-sharalardy qarjylandyrý tetikteri pysyqtalýda.

«Jyl aıaǵyna deıin «Nurly jer» baǵdarlamasynyń jańa redaktsııasyn bekitý josparlanýda», - dedi Roman Sklıar.