«Nurly jer» baǵdarlamasynyń 2019 jylǵy aralyq nátıjeleri belgili boldy
«Báıterek development» AQ 87,4 mlrd teńgeniń oblıgatsııasyn satyp aldy. Ákimdikter bıyl 12 myń páter salady. «Turǵynúıqurylys jınaq banki» AQ «Nurly jer» baǵdarlamasy boıynsha 36,5 mlrd teńgeniń 4,6 myń zaımyn berdi. Al, «Turǵyn úı qurylysyna kepildik berý qory» AQ 120 mlrd teńgeniń jobalaryn maquldady, osy arqyly turǵyndardyń páter alý boıynsha 8,8 myń salymy qorǵaldy», delingen habarlamada.
«Báıterek» ulttyq basqarýshy holdıngi» AQ «Nurly jer» memlekettik baǵdarlamasyn júzege asyrý boıynsha úlken jumys júrgizýde. Ákimdikter oblıgatsııalaryn satyp alý tetigi esebinen belgilengen baǵamen nesıelik páterler tapsyrylady, qazaqstandyqtarǵa jeńildetilgen turǵyn úı zaemdary beriledi, al qurylys salýshylar turǵyn úı keshenderin salý úshin sýbsıdııa alady. Holdıng qandaı nátıjelerge qol jetkizilgeni týraly arnaıy ınfografıkada kórsetilgen.
Aıta keterligi, «Báıterek» Ulttyq basqarýshy holdıngi» AQ Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵyna sáıkes quryldy. Korporatıvtik basqarýdyń ozyq standarttaryna sáıkes keletin jáne Qazaqstan ekonomıkasyn ártaraptandyrý, ınnovatsııalardy qoldaý, eksportty damytý, eńbek ónimdiligin ulǵaıtý jolymen ornyqty damytý jónindegi mindetterdi iske asyrýdy qamtamasyz etetin QR Úkimetiniń negizgi ınstıtýty. Holdıngke: «Qazaqstannyń Damý Banki» AQ, «Qazaqstannyń ınvestıtsııalyq qory» AQ, «Qazaqstannyń turǵyn úı qurylys jınaq banki» AQ, «Qazaqstandyq Ipotekalyq Kompanııa» IU» AQ, «KazakhExport» ESK» AQ, «Damý» KDQ» AQ, «Qazaq Ventures» AQ, «Turǵyn úı qurylysyna kepildik berý qory» AQ, «Qazyna Kapıtal Menedjment» AQ, «Báıterek development» AQ, «Kazakhstan Project Preparation Fund» JShS kiredi.
