«Nurly jer» baǵdarlamasy: Oralda 284 otbasy jańa baspanaǵa qol jetkizdi
Saltanatty rásimge qatysqan oblys ákimi Ǵalı Esqalıev búgin 284 otbasy baspanaly bolǵandyǵyn jetkizdi.
«Soltústik-shyǵys» shaǵynaýdanynda boı kótergen toǵyz qabatty bir úıde 104 páter bolsa, ekinshisinde – 180 baspana.
«Halyqaralyq balalardy qorǵaý kúnine oraı osynshama otbasy jańa páterge qol jetkizip otyr. Bul – jetkinshekterdiń de qýanyshy. Óıtkeni shamamen 400-deı bala óz otbasylarymen jańa baspanaǵa kiredi. Elbasy Nursultan Nazarbaevtyń tapsyrmasymen budan birneshe jyl buryn «Nurly jer» baǵdarlamasy qolǵa alynǵan bolatyn. Sodan beri baǵdarlama tıimdiligin kórsetip keledi», dedi óńir basshysy.
Ákimniń sózine qaraǵanda, memleket mundaı úılerdi salý úshin jer bólip, qajetti ınfraqurylymdy tartyp berdi. Bul úılerdiń ózindik quny ár sharshy metri 180 myń teńge bolsa, páter ıelerine 140 myń teńgege túsip otyr. ıAǵnı 40 myń teńge bıýdjet esebinen jabylady. Bul – ásirese, tabysy az otbasylar úshin úlken kómek. Sondaı-aq jıyrma jylǵa jeńildikpen nesıe berilýi de baspana ıeleri úshin tıimdi.
«Budan tórt-bes jyl buryn osy mań bos jatsa, mine, endi záýlim úıler boı kóterdi. Bul osy shaǵynaýdanda basqa da ǵımarattardyń salynyp, bıznestiń órkendep, tamyr jaıýyna yqpal etedi. Mundaı úıler oblys ortalyǵynda ǵana emes, aýdandarda da salynýda. Ótken jyly «Nurly jer» baǵdarlamasy aıasynda 1080 páter paıdalanýǵa berilse, bıyl onyń sany 1800-ge jetip, 80 paıyzǵa artyq bolmaq», degen oblys ákimi turǵyn úılerdi sapaly salǵan merdiger mekemeler basshylaryna alǵysyn bildirdi.
