«Nurly jer» baǵdarlamasy boıynsha baspana turǵyzý qarqyny eki esege ósti
Qurylystyń qarqyndylyǵy ádettegideı Ońtústik Qazaqstan jáne Atyraý oblystarynda baıqaldy. 2017 jyldyń alǵashqy alty aıynda Shymkent jáne Atyraý qalalarynda 40,5 myń sharshy metr nemese 672 jáne 677 páter paıdalanýǵa berildi.
Sondaı-aq, Mańǵystaý oblysynda da qurylys kólemi eleýli túrde ósti. Jarty jylda Aqtaý qalasynyń turǵyn úı qory 34,2 myń sharshy metrge nemese 540 páterge kóbeıdi. Odan keıingi orynda Batys Qazaqstan oblysy tur, jyl basynan beri Oral qalasynda 30,2 myń sharshy metr bolatyn 504 páter tapsyryldy.
«Báıterek development» AQ jelisi boıynsha Pavlodar oblysynda 28,2 myń sharshy metr (504 páter) jańa baspana salyndy.
«Memlekettik baǵdarlama boıynsha baspana turǵyzýdyń bıylǵy qarqyny 2016 jylmen salystyrǵanda eki esege ósti. Ótken jyldyń alty aıynda 128, 8 myń sharshy metr baspana paıdalanýǵa berilse, bıylǵy jartyjyldyqta 240,2 myń sharshy metr páter tartý etildi», - dep habarlady «Báıterek development» AQ basqarma tóraǵasynyń orynbasary Tóleýbek Іlııasov.
Ekinshi jartyjyldyqta jalpy kólemi 150 myń sharshy metr bolatyn taǵy 12 turǵyn úı nysanynyń qurylysyn aıaqtaý josparlanǵan. Baspana «Qazaqstan Jılstroısberbanki» AQ salymshylaryna jáne kezekte turǵandarǵa arendalyq baspana retinde beriledi.
