«Nurly jer» baǵdarlamasy aıasynda 2 bólmeli páterge suranys joǵary
Onyń aıtýynsha, 2019 jyly bank óz salymshylaryn «Nurly jer» baǵdarlamasy boıynsha 59,7 mlrd teńgege nesıelendiredi.
«Memleket basshysy Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jyl saıynǵy Joldaýynda «Nurly jer» baǵdarlamasyn oń baǵalady. Baǵdarlama turǵyn úı qurylysyna qýatty serpin berdi jáne myńdaǵan qazaqstandyqtyń baspanaly bolýyna kómektesti. Onyń kómegimen jergilikti ákimshilikterde kezekte turǵan, bıýdjettik salada jumys isteıtin jáne tabysy naryqtan turǵyn úı satyp alýǵa jetpeıtin turǵyndardyń jeńildetilgen baǵamen páter satyp ala alady. Memlekettik baǵdarlama aıasynda ortasha zaım somasy 7,3 mln teńgege teń keledi. Baǵdarlama qatysýshylar arasynda eki bólmeli páterge degen suranys joǵary», - dedi Lázzat Ibragımova.
Al QR Indýstrııa jáne ınfraqurylymdyq damý vıtse-mınıstri Qaıyrbek Óskenbaevtyń aıtýynsha, «7-20-25» baǵdarlamasyn tıimdi iske asyrý úshin «Nurly jer» baǵdarlamasyna ózgerister engizildi. «Nurly jer» baǵdarlamasy boıynsha ákimdikter salǵan turǵyn úılerdi «7-20-25» baǵdarlamasynyń qatysýshylary men Turǵyn úı qurylys jınaq bankiniń salymshylaryna qatar berý qarastyryldy. Sonymen birge, «Nurly jer» baǵdarlamasynyń qatysýshylary úshin bastapqy jarnanyń mólsheri 30 paıyzdan 20 paıyzǵa deıin tómendetilip, Turǵyn úı qurylys jınaq bankinen qaryz alý qoljetimdiligi artty», - dedi ol.
